HAMMER EIERMARK

In het oale Hammer darpien,
Woer nog wèvesteule zint,
Woer, wee weet, misschien nog eans ne
Oale vrouwe zit en spint....
In det oale Hammer darpien
Hef der eene uut edach,
Um ne eiermark te hoalen
Alle wekke op Donderdag
Op den brink met hooge beume
Kump ne koppel volk biejeen,
Kui-j de wit geklapte maenties
En de Hammer boeren zeen
Hammer darpien, 'k wèènsche oew 't beste,
'k Hoppe dat oew mark geet good,
Wat begun iej eenendàttig
Voort weer met frisschen mood!
Hammer hoonder, Barnevelders,
Legt noew eier, dikke en broen,
Hammer witten, oeleveerschen,
Dèènkt er an, hoalt oew fesoen!
Hoalt oew Hammer darp in eere,
Legt noew al waj hebt eleerd,
Dag op dag nen mooien dikken
Det het Hammer mark floreert!

En den oalen Hammer toren
Kik zoo schook de karke langs;
"Wat is door toch veur ne drukte?"
Deghe biej zich zelven mangs,
Hammer toren, doot nen zègen
An oew volk en ziene stèè,
Det in tied van nood oew biejstun
En goo weure veur oew zèè.
Oewe steene zit weer stewig,
Oewe kappe is fonkelniej!
Oewe doeven zit weer dreuge
Heel oew anzeen maakt miej bliej.
Hammer toren, ak oew noader'
Is mien hàtte zoo tevrèèn.
'k Heete oew geerne "Hammer Konink"
Det kui-j noew met recht weer wèèn.

JOHa. F. VAN BUREN.

Helderen, Jan. 1931.